یہ شان رسالت ﷺ ہےذرا ہوش سے بول!!
اس وقت سوشل میڈیا پر بحث و مباحثہ کا بازار گرم ہے، میلاد مصطفٰی صلی اللہ علیہ وسلم پر موافق و مخالف کمنٹس کر رہے ہیں.....اس زمانے میں مخالفین کی سازشیں شباب پر ہیں..... شان رسالت میں گستاخی والے مواد کی اشاعت...... بے ادبی و توہین..... قادیانیوں کی اہانت انگیزی نے پہلے ہی دلوں کو زخمی کر رکھا ہے..... پھر �
Read More

یہ شان رسالت ﷺ ہےذرا ہوش سے بول!!
اس وقت سوشل میڈیا پر بحث و مباحثہ کا بازار گرم ہے، میلاد مصطفٰی صلی اللہ علیہ وسلم پر موافق و مخالف کمنٹس کر رہے ہیں.....اس زمانے میں مخالفین کی سازشیں شباب پر ہیں..... شان رسالت میں گستاخی والے مواد کی اشاعت...... بے ادبی و توہین..... قادیانیوں کی اہانت انگیزی نے پہلے ہی دلوں کو زخمی کر رکھا ہے..... پھر طرفہ یہ کہ،  جنھیں کلمہ گوئی کا دعوٰی ہے...... جنھیں دین کی تبلیغ کا زعم ہے..... وہی آج میلاد النبی صلی اللہ علیہ وسلم کی مخالفت میں بہت کچھ زہر اگل رہے ہیں...... انھیں یہ بھی ہوش نہیں کہ، ان کی جرات کس عنوان پر ہو رہی ہے..... شان رسالت میں بے ادبی سخت محرومی کا سبب ہے..... حیرت بھی محو حیرت ہے کہ:جس مقدس ہستی کا کلمہ پڑھنے کا دعوٰی ہے..... انھیں کی آمد آمد کی خوشی انھیں رنجیدہ کرتی ہے...... یہ دلوں کا بغض ہے..... یہ فکروں کی آلودگی ہے.... یہ کدورت ہے، بارگاہ رسالت سے عداوت ہے.....
تعجب ہے کہ توہین رسالت صلی اللہ علیہ وسلم میں زبانیں بے قابو ہیں...... جن کے صدقے میں جہان کو وجود ملا.....انھیں کے ذکر سے منھ پھیر لینا، ان کی آمد کے دن رنجور ہونا اہل ایمان کا شیوہ نہیں...... انھیں اس پہلو پر غور کرنا چاہیے...... کہیہ شان رسالت ہے ذرا ہوش سے بول...... بے شک جو رسول اللہ صلی اللہ علیہ وسلم کا ہو جاتا ہے..... ہر کامیابی کی بلندی پر اس کی عظمتوں کے پھریرے نصب ہوتے ہیں..... اس کی زبان و قلم محبوب صلی اللہ علیہ وسلم کا اسم مبارک آتے ہی محتاط ہو جاتے ہیں...... ادب کی جبیں بہر تعظیم خم ہو جاتی ہے...... زباں فرط عقیدت سے گویا ہوتی ہے..... 
لب پہ آ جاتا ہے جب نام جناب منھ میں گھل جاتا ہے شہد  نایاب وجد میں ہو کے ہم اے جاں بیتاب اپنے لب چوم لیا کرتے ہیں (اعلی' حضرت) 
بقلم: غلام مصطفٰی رضوی 
ترسیل:  محمد سعید رضا نوری مشن مالیگاؤں ***نومبر 2018